భారీగా తగ్గిన యాపిల్ ఫోన్ ధరలు !

యాపిల్ తన కొత్త ఉత్పత్తులను లాంచ్ చేసిన వెంటనే పాత మోడళ్ల ధరలను తగ్గించడం సర్వసాధారణం. తాజాగా, ఐఫోన్ 16 సిరీస్ ఫోన్లు లాంచ్ చేయడంతో పాత మోడళ్ల ధరలు తగ్గాయి. అంతేకాక, అమెజాన్ 2024 గ్రేట్ ఇండియన్ ఫెస్టివల్ సేల్ లో యాపిల్ ఉత్పత్తులపై అద్భుతమైన ఆఫర్లు అందుబాటులో ఉన్నాయి. మాక్ బుక్స్, యాపిల్ స్మార్ట్ వాచ్, ఐఫోన్ 15 వంటి ఉత్పత్తులపై భారీ డిస్కౌంట్లు ఉంటాయి. యాపిల్ ఉత్పత్తులు కొనాలనుకునే వారికి ఇదొక మంచి అవకాశం.

ఉదాహరణకు, గతేడాది 128జీబీ వేరియంట్‌తో విడుదలైన ఐఫోన్ 15ని అప్పట్లో రూ. 79,900కి లాంచ్ చేయగా, ఇప్పుడు ఐఫోన్ 16 సిరీస్ విడుదలైన తరువాత ఆ ధర రూ. 69,900కి తగ్గింది. అమెజాన్ సేల్‌లో ఈ ఫోన్‌పై 12 శాతం అదనపు తగ్గింపు కూడా ఉంది. అలాగే, పదో జనరేషన్ యాపిల్ ఐప్యాడ్‌పై 33 శాతం డిస్కౌంట్ ఉండగా, దీని ధర రూ. 29,999గా ఉంది. యాపిల్ మ్యాక్ బుక్ ఎయిర్ ఎం1 చిప్‌తో ఉన్న ల్యాప్‌టాప్‌పై 37 శాతం తగ్గింపుతో, కేవలం రూ. 52,990కి అందుబాటులో ఉంది.