టాలీవుడ్ సూపర్ స్టార్ మహేష్ బాబు ఈరోజు 45 వ ఏటా అడుగుపెట్టారు. ఈ సందర్బంగా ఆయనకు అభిమానులు , సినీ ప్రముఖులు సోషల్ మీడియా ద్వారా బెస్ట్ విషెష్ అందిస్తున్నారు. ప్రస్తుతం కరోనా ఉదృతి ఎక్కువగా ఉన్న నేపథ్యంలో అలాంటి వేడుకలకు దూరంగా ఉండాలని మహేష్ కోరడంతో అభిమానులు సోషల్ మీడియా ద్వారా తమ అభిమానాన్ని చాటుకుంటున్నారు.
HBDMaheshBabu ట్యాగ్ ట్విట్టర్ హ్యాండిల్‌లో టాప్ ప్లేస్‌లో ట్రెండ్ అవుతోంది. 4 మిలియన్లకు పైగా ఈ ట్యాగ్ ఉపయోగించి ట్వీట్స్ చేశారు నెటిజన్లు. అదేవిధంగా ఆయన లేటెస్ట్ మూవీ సర్కారు వారి పాట హాష్ ట్యాగ్ సెకండ్ ప్లేస్‌లో ట్రెండ్ అవుతోంది. ఈ హాష్ ట్యాగ్ ద్వారా 3.75 మిలియన్లకు పైగా ట్వీట్స్ చేశారు. మొత్తంగా చూస్తే ఇప్పటికే మహేష్ బర్త్ డే ట్వీట్స్ 10 మిలియన్లు దాటిపోయాయి. దీంతో ప్రపంచంలోనే ఫాస్టెస్ట్ 10 మిలియన్ బర్త్ డే ట్వీట్స్ అందుకున్న సెలబ్రిటీగా రికార్డు సృష్టించారు మహేష్ బాబు. ప్రస్తుతం సామాజిక మాధ్యమాల్లో ఎక్కడ చూసినా మహేష్ మేనియానే కనిపిస్తోంది.
