తెలుగులో సూపర్ హిట్ అయినా చిత్రాలను బాలీవుడ్ లో రీమేక్ చేసేందుకు అక్కడి దర్శకనిర్మాతలు పోటీపడుతున్నారు. ఇప్పటికే పలు సినిమాలు బాలీవుడ్ రీమేక్ కు రెడీ అయ్యాయి. కేవలం ఇప్పటి సినిమాలే కాకుండా ఎప్పుడో వచ్చిన మహేష్ దూకుడు, అనుష్క అరుంధతి సినిమాలు కూడా రీమేక్ చేయడానికి ప్రయత్నిస్తున్నారు. ఇక తాజా సమాచారం ప్రకారం 12 ఏళ్ళ క్రితం కృష్ణుడు హీరోగా నటించిన ‘వినాయకుడు’ సినిమాను హిందీ లో తీయాలని చూస్తున్నారట.
వినాయకుడు సినిమాలో హీరోయిన్ గా సోనియా నటించింది. సాయి కిరణ్ అడవి దర్శకత్వంలో వచ్చిన వినాయకుడు ప్రేక్షకులను నవ్వించడంతో పాటు ఎమోషనల్ గా కూడా ఆకట్టుకుంది. ప్రముఖ బాలీవుడ్ నిర్మాణ సంస్థ ఈ సినిమాను నిర్మించనుండగా తెలుగు లో దర్శకత్వం వహించిన సాయి కిరణ్ అడవి హిందీలో కూడా తెరకెక్కించబోతున్నట్లు తెలుస్తుంది
