పుట్టిన రోజు నాడు మహేష్..గ్రీన్ ఇండియా ఛాలెంజ్‌లో పాల్గొన్నారు. త‌న పుట్టిన రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్ చేశాడు ప్రిన్స్‌. ఈ గ్రీన్ ఇండియా ఛాలెంజ్‌లో తార‌క్‌, విజయ్, శృతి హాస‌న్‌ను నామినేట్ చేశారు మహేష్ బాబు. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరారు మహేష్ బాబు. ప‌చ్చ‌ద‌నం వైపు అడుగులు వేద్దామ‌ని మహేష్ బాబు పిలుపునిచ్చారు. ఎంపీ సంతోష్ కుమార్‌ను అభినందించారు.
కాగా మహేష్ విసిరినా ఛాలెంజ్ ను తమిళ్ హీరో విజయ్ స్వీకరించారు. ఈ రోజు చెన్నైలోని త‌న నివాసంలో మొక్క‌లు నాటారు. ఈ సంద‌ర్భంగా ఆయ‌న మాట్లాడుతూ.. గ్రీన్ ఇండియా ఛాలెంజ్ ఒక అద్భుత‌మైన కార్య‌క్ర‌మం. ఇందులో అంద‌రూ పాల్గొనాలి. ఇత‌ర దేశాల‌తో పోల్చితే మ‌న‌దేశంలో ఒక్క మ‌నిషికి కావాల్సిన మొక్క‌లు చాలా త‌క్కువ. వాటి ద్వారా వ‌చ్చే ఆక్సిజ‌న్ స‌రిపోవ‌డం లేదు. అందువ‌ల్ల దేశ రాజ‌ధానిలో ఆక్సిజ‌న్ అమ్మే కేంద్రాలు నెల‌కొల్పారు. కాగా గ్రీన్ ఇండియా ఛాలెంజ్‌లో పాల్గొన‌డం చాలా ఆనందంగా ఉంద‌న్నారు విజయ్.
