ఫిదా చిత్రం తో అందర్నీ ఫిదా చేసిన మలయాళ బ్యూటీ సాయి పల్లవి..మొదటి సినిమాతోనే తెలుగు ప్రేక్షకులకు బాగా దగ్గరయింది. కేవలం వెండితెరపై మాత్రమే కాదు యూట్యూబ్ లో కూడా అమ్మడు చాల ఫేమస్. అలాంటి ఈ భామ ప్రస్తుతం వేణు ఊడుగుల డైరెక్షన్లో ‘విరాట పర్వం’ చేస్తుంది. రీసెంట్ గా ఈమె పుట్టిన రోజు సందర్భాంగా ఫస్ట్ లుక్ రిలీజ్ చేసి ఆకట్టుకున్నారు.
తాజాగా ఒక ఇంటర్వ్యూలో వేణు ఊడుగుల హీరోయిన్ సాయి పల్లవి గురించి మాట్లాడుతూ.. ”ప్రేమమ్ సినిమాలో సాయి పల్లవి నటన నాకు బాగా నచ్చింది. ఫస్ట్ సినిమా సమయంలోనే నేను ఆమెను సంప్రదించాను. కానీ ఆమె బిజీగా ఉండటం వలన అప్పుడు కుదరలేదు. ‘విరాట పర్వం’లో హీరోయిన్ పాత్రకు సాయి పల్లవి అయితేనే న్యాయం చేయగలదని నేను భావించాను. హీరోయిన్ పాత్రను రాసుకున్నప్పుడే సాయి పల్లవిని తీసుకోవాలని ఫిక్స్ అయ్యాను. దీంతో ఆమెను కలిసి కథ వినిపించాను. వెంటనే ఇందులో నటించేందుకు సాయి పల్లవి ఒప్పుకుంది. ఈ సినిమాలో ఆమె అద్భుతంగా నటించింది. ‘విరాట పర్వం’ సినిమాకు సాయి పల్లవి ప్లస్ అవుతుంది” అని చెప్పుకొచ్చారు.