పవన్ కళ్యాణ్ నటిస్తున్న వకీల్ సాబ్ చిత్రం లాక్ డౌన్ కారణంగా షూటింగ్ ఆగిపోయిన సంగతి తెలిసిందే. లాక్ డౌన్ లేకపోతే ఈపాటికి ఈ చిత్రం థియేటర్స్ లలో సందడి చేసేది. ప్రస్తుతం షూటింగ్ లకు అనుమతులు వచ్చినప్పటికీ కరోనా వైరస్ ప్రభావం ఎక్కువగా ఉన్న నేపథ్యంలో షూటింగ్ లో జాయిన్ అయ్యేందుకు ఎవరు ముందుకు రావడం లేదు.
ఈ నేపథ్యంలో వచ్చే నెల 2 న పవన్ కళ్యాణ్ పుట్టిన రోజు సందర్భాంగా ఫస్ట్ లుక్ టీజర్ తో పాటు మరో పోస్టర్ ను రిలీజ్ చేయాలనే ఆలోచనలో చిత్ర యూనిట్ ఉన్నారనే వార్తలు మొన్నటివరకు వైరల్ అయ్యాయి. అయితే ఇప్పుడు మరో వార్త అభిమానులను కలవరపెడుతుంది. ఆరోజున టీజర్ వచ్చే అవకాశాలు తక్కువే అని అంటున్నారు. మరి ఇది నిజమో కాదో తెలియదు కానీ అభిమానులు మాత్రం కాస్త నిరాశ వ్యక్తం చేస్తున్నారు.
