దివంగత ముఖ్యమంత్రి జయలలిత జీవిత కథ ఆధారంగా డైరెక్టర్ ఏ ఎల్ విజయ్ ‘తలైవి’ టైటిల్ తో ఓ సినిమా తెరకెక్కిస్తున్నాడు. ఈ బయోపిక్ లో జయలలిత పాత్రలో కంగనా రనౌత్ నటిస్తుండగా ఎం.జి.రామచంద్రన్ పాత్రలో అరవింద్‌ స్వామి నటిస్తున్నాడు. ఇక కీలక పాత్ర మాజీ సీఎం కరుణానిధి పాత్రలో నటుడు ప్రకాష్ రాజ్ నటిస్తున్నాడు.
‘బాహుబలి’ రచయిత విజయేంద్ర ప్రసాద్ ఈ సినిమా కథను పర్యవేక్షిస్తున్నారు. ఈ చిత్రానికి నిరవ్ షా సినిమాటోగ్రఫీ చేయనుండగా జివి ప్రకాష్ కుమార్ సంగీతం అందించనున్నాడు. ఈ చిత్రాన్ని విష్ణు ఇందూరి నిర్మిస్తున్నారు. తెలుగు, తమిళ భాషల్లో ‘తలైవి’గా వస్తున్న ఈ చిత్రం హిందీలో ‘జయ’ పేరుతో విడుదలకానుంది. అయితే ప్రస్తుతం లాక్ డౌన్ కారణంగా షూటింగ్ కు బ్రేక్ పడింది. కాగా ఈ మూవీ ఓటీటీ ఫ్లాట్ ఫామ్స్ భారీ ధరకు కొన్నాయట. ఐదు బాషలలో రూపొందుతున్న ఈ సినిమా హిందీ తమిళ హక్కులను 55 కోట్లకు అమెజాన్ నెట్ ఫ్లిక్స్ కొన్నాయని తెలిపింది. అమెజాన్ నెట్ ఫ్లిక్స్ రెండింటికీ ప్రసార హక్కులను అమ్మారట. కానీ ఈ సినిమాను థియేటర్లలో రిలీజ్ చేశాకే ఓటీటీల్లో విడుదల చేస్తారని కొసమెరుపుగా చెప్పింది. అయితే ఈ సినిమా హక్కులు భారీ ధరకు అమ్ముడవడంతో ఫ్యాన్స్ సంతోషిస్తున్నారు.
