చందు మొండేటి-నిఖిల్ కలయికలో వచ్చిన కార్తికేయ చిత్రం ఎంత పెద్ద విజయం సాధించిందో తెలియంది కాదు.. ఈ సినిమా సీక్వెల్ చేయబోతున్నట్లు గత కొద్దీ రోజులుగా వార్తలు వినిపిస్తూనే ఉన్నాయి తప్ప సినిమా మాత్రం సెట్స్ పైకి రావడం లేదు. ఈ చిత్రాన్ని ప్రసిద్ధ చలన చిత్ర నిర్మాణ సంస్థ పీపుల్ మీడియా ఫ్యాక్టరీ పతాకం పై నిర్మాతలు టి.జి.విశ్వప్రసాద్, వివేక్ కూచిభొట్ల నిర్మించడానికి ముందుకు వచ్చారు.
మార్చి నెలలో ఈ చిత్రాన్ని ప్రారభించడం జరిగింది. ఆ తర్వాత షూటింగ్ ను శరవేగంగా పూర్తి చేయాలనీ ప్లాన్ చేసినప్పటికీ లాక్ డౌన్ కారణంగా షూటింగ్ కు బ్రేక్ పడింది. మొన్నటి వరకు కార్తికేయ లో నటించిన కలర్ స్వాతి నే హీరోయిన్ నటిస్తుందని అంత అనుకున్నారు. కానీ ఇప్పుడు ఆమెను కాకుండా అనుపమ పరమేశ్వరన్ ను ఎంపిక చేసినట్లు తెలుస్తుంది.