అరుంధతి చిత్రంలో పశుపతి గా అందర్నీ మెప్పించిన సోనూసూద్‌..లాక్ డౌన్ సమయంలో వలస కార్మికులను ఆదుకొని రియల్ హీరో అనిపించుకున్నాడు. ఇక అప్పటినుండి ప్రతి రోజు ఎవరు ఏ ఆపదలో ఉన్న వారిని ఆదుకుంటూ వార్తల్లో నిలుస్తున్నాడు. ఈయన చేస్తున్న మంచి పనులకు ప్రతి ఒక్కరు అభిమానులు అవుతున్నారు.
తాజాగా ఓ వ్యక్తి అడిగిన దానికి అదిరిపోయే రిప్లై ఇచ్చాడు. ఓ వ్యక్తి ట్విట్టర్‌లో ‘సోనూ సూద్‌ సార్ ప్లీజ్‌.. నాకొక పీఎస్‌4 ఇప్పించగలరా.. లాక్‌డౌన్‌లో నా చుట్టూ ఉన్న పిల్లలంతా పీఎస్‌4లో గేమ్స్‌ ఆడుతూ ఎంజాయ్‌ చేస్తున్నారు. ప్లీజ్‌ నాకు ఒకటి ఇప్పించి హెల్ప్‌ చేయండి సార్’ అని ట్వీట్‌ చేశాడు. ఇందుకు సోనూ సూద్‌.. ‘నీ దగ్గర పీఎస్‌4 లేనందుకు నీవు చాలా అదృష్టవంతుడివి. దాని బదులు బుక్స్‌ తెచ్చుకుని చదువుకో. నీ కోసం ఈ సాయం చేయగలను’ అంటూ రీట్వీట్‌ చేశారు సోనూ సూద్‌. ప్రస్తుతం వీరిద్దరి ట్విట్టర్‌ సంభాషణ సోషల్‌ మీడియాలో తెగ ట్రెండ్‌ అవుతోంది.
If you don’t have a PS4 then you are blessed. Get some books and read. I can do that for you ? https://t.co/K5Z43M6k1Y— sonu sood (@SonuSood) August 6, 2020