హిట్ , ప్లాప్ లతో సంబంధం లేకుండా శర్వానంద్ వరుస పెట్టి సినిమాలు చేస్తున్నాడు. రీసెంట్ గా జాను సినిమాతో పలకరించిన శర్వా.. శ్రీ కార్తీక్ దర్శకత్వంలో ఓ ద్విభాషా చిత్రంలోనూ నటిస్తున్నాడు. అలాగే కొత్త దర్శకుడు కిషోర్ రెడ్డి దర్శకత్వంలో ‘శ్రీకారం’ అనే సినిమా చేస్తున్నాడు. 14 రీల్స్ బ్యానర్ లో తెరకెక్కుతున్న ఈ మూవీ షూటింగ్ చివరి దశకు చేరుకుంది.
ఈ రెండు ఇలా ఉండగానే యూవీ క్రియేషన్స్ బ్యానర్ లో కొత్త సినిమా చేయబోతున్నట్లు సమాచారం. గతంలో ఇదే బ్యానర్ లో రెండు సినిమాలు చేసి హిట్స్ కొట్టాడు. ఇప్పుడు మరోసారి ఇదే బ్యానర్ లో సినిమా చేసేందుకు సిద్దమయ్యాడట. ఈ చిత్రాన్ని నూతన దర్శకుడు శ్రీరామ్ రెడ్డి కామెడీ ఎంటర్టైనర్ గా తెరకెక్కించనున్నారట.
