సరిలేరు నీకెవ్వరూ తో సూపర్ హిట్ అందుకున్న మహేష్ బాబు..ప్రస్తుతం తన నెక్స్ట్ మూవీ పరుశురాం తో చేయబోతున్న సంగతి తెలిసిందే. ఇప్పటికే కథ మొత్తం పూర్తి చేసిన పరుశురాం దీనికి సర్కారీ వారి పాట అనే టైటిల్ ఫిక్స్ చేసారు. ఈరోజు మహేష్ బాబు పుట్టిన రోజు సందర్భాంగా సర్కారీ వారి పాట చిత్రం తాలూకా మోషన్ పోస్టర్ రిలీజ్ చేసి ఆకట్టుకున్నారు.
ప్రస్తుతం కరోనా ఉదృతి ఎక్కువగా ఉన్న నేపథ్యంలో అలాంటి వేడుకలకు దూరంగా ఉండాలని కోరిన మహేష్ … పుట్టిన రోజున అభిమానులంతా ప్లాస్మా డొనేషన్ పై అవగాహన కల్పించే కార్యక్రమాలు చేయాలని, అవకాశం ఉన్నవారు ప్లాస్మా దానం చెయ్యాలని విజ్ఞప్తి చేశారు. కరోనా నుంచి కోల్కొన్నవారు ప్లాస్మా డొనేట్ చేయడం ద్వారా మరికొంతమంది ప్రాణాలు కాపాడినవారవుతారు, ప్లాస్మా దానం చేయండి తోటివారి ప్రాణాలు నిలబెట్టండి అని మహేష్ ఫ్యాన్స్ కి పిలుపునిచ్చారు.
