సరిలేరు నీకెవ్వరూ తో సూపర్ హిట్ అందుకున్న మహేష్ బాబు..ప్రస్తుతం తన నెక్స్ట్ మూవీ పరుశురాం తో చేయబోతున్న సంగతి తెలిసిందే. ఇప్పటికే కథ మొత్తం పూర్తి చేసిన పరుశురాం దీనికి సర్కారు వారి పాట అనే టైటిల్ ఫిక్స్ చేసారు. నిన్న కృష్ణ బర్త్డే సందర్భాంగా చిత్ర టైటిల్ ను అధికారికంగా ప్రకటిస్తూ ఫస్ట్ లుక్ రిలీజ్ చేసారు. ఈ ఫస్ట్ లుక్ సోషల్ మీడియా వైరల్ గా మారడమే కాదు రి ట్వీట్ల విషయంలో సరికొత్త రికార్డు సృష్టించింది. 24 గంటల్లో మోస్ట్ రీట్వీట్ చేసిన లుక్ ఇదే, అలాగే మోస్ట్ లైక్స్ వచ్చిన లుక్ కూడా ఇదే, అదే విధంగా మోస్ట్ ట్వీట్ చేసిన యాష్ ట్యాగ్ కూడా ఇదే కావడం విశేషం.
ఈ పోస్టర్ లో మహేష్ పూర్తి లుక్ మాత్రం రివీల్ చేయలేదు. వెనక వైపుగా హాఫ్ లుక్ ని ఓపెన్ చేశారు. ఆ చెవికి రింగు.. రఫ్ గా కనిపించేలా గడ్డం.. బ్లాక్ షర్ట్ .. ఫ్రీ హెయిర్ స్టైల్ తో మాసీగానే కనిపిస్తున్నాడు. వీటన్నిటికీ మించి టైటిల్ పరమార్థాన్ని ప్రతిబింబించేలా ఆ మెడపై రూపాయి కాయిన్ టాటూ దేనికో తెలియాల్సి ఉంది. ఈ మూవీకి ఆ పాయింట్ చాలా కీలకమైనదని భావించాల్సి ఉంటుంది. థమన్ మ్యూజిక్ అందిస్తున్న ఈ చిత్రాన్ని మైత్రి మూవీ మేకర్స్ – జీఎమ్బీ ఎంటర్ టైన్ మెంట్స్- 14 రీల్స్ సంస్థలు సంయుక్తంగా నిర్మించనున్నాయి.
