బాలీవుడ్ హీరో సంజయ్ దత్ హాస్పటల్ లో చేరిన సంగతి తెలిసిందే. గత కొద్దీ రోజులుగా శ్వాస సమస్యతో బాధపడుతున్న ఈయన ముంబైలోని లీలావతి హాస్పటల్‌లో చేరారు. ఆయనకు కరోనా పరీక్షలు నిర్వహించగా నెగిటివ్ వచ్చినట్లుగా తెలుస్తుంది.
రెండు రోజులపాటు ఆయ‌నను ఐసీయూలో ఉంచి చికిత్స అందించారు. అనంతరం జనరల్‌ వార్డుకు షిఫ్ట్‌ చేసి అబ్జర్వేషన్‌లో ఉంచిన తర్వాత.. పూర్తిగా కోలుకున్న సంజయ్ దత్ సంపూర్ణ ఆరోగ్యంతో సోమవారం ఇంటికి చేరుకున్నారు. తాము ఆరాధించే నటుడు కోలుకోవడంతో అభిమానులు హర్షం వ్యక్తం చేస్తున్నారు.