ఆగస్టు 29 న కింగ్ నాగార్జున పుట్టిన రోజు . ఈ సందర్బంగా సమంత మామకు అదిరిపోయే గిఫ్ట్ ను సిద్ధం చేస్తుందట. నాగ్ బర్త్ డే కామన్ డీపీని సమంత రిలీజ్ చేయబోతుంది. ఈ మేరకు ఆగస్ట్ 23న సాయంత్రం 6 గంటలకు నాగార్జున బర్త్ డే కామన్ డీపీ విడుదల చేయనున్నట్లు ట్వీట్ చేశారు. ప్రస్తుతం సోషల్ మీడియా లో హీరోల బర్త్ డే ట్రెండ్ నడుస్తుంది.
అడ్వాన్స్ బర్త్ డే విషెస్, కామన్ డీపీలతో వారం.. పది రోజుల ముందు నుంచే సోషల్ మీడియాను హోరెత్తిస్తున్నారు. మరీ ముఖ్యంగా దక్షిణాది చిత్రసీమలో ఈ ట్రెండ్ ఎక్కువగా నడుస్తోంది. మేమంటే మేము అంటూ ఏకంగా వరల్డ్ రికార్డ్స్‌పై కన్నేసి హల్చల్ చేస్తున్నారు. ఓ హీరో ఫ్యాన్స్ చేసిన నమోదు చేసిన రికార్డును మరో హీరో ఫ్యాన్స్ బద్దలు కొట్టేలా సరికొత్తగా ప్లాన్స్ చేసుకుంటున్నారు. ప్రస్తుతం చిరంజీవి , పవన్ కళ్యాణ్ పుట్టిన రోజు డీపీ ల ట్రెండ్ నడుస్తుంది. మరి కింగ్ నాగార్జున ఫ్యాన్స్ ఎలాంటి రికార్డ్స్ బ్రేక్ చేస్తారో చూడాలి.