రుద్రమదేవి తో ప్రేక్షకుల ముందుకు వచ్చిన డైరెక్టర్ గుణశేఖర్..ఆ తర్వాత రానా తో ఓ భారీ చిత్రాన్ని ప్రకటించిన సంగతి తెలిసిందే. ప్రస్తుతం గుణ రానా చిత్రాన్ని పక్కన పెట్టి ప్రేమకథాచిత్రమ్ తో ప్రేక్షకుల ముందుకు రాబోతున్నాడు. ఈ మధ్యనే ”శాకుంతలం” అనే సినిమా చేయబోతున్నట్లు అధికారికంగా ప్రకటించాడు. ‘మరచిపోయిన ప్రేమ.. మరచిపోలేని ప్రేమ కథ’ అని మోషన్ పోస్టర్ ద్వారా వెల్లడించారు.
ఈ చిత్రానికి మెలోడీ బ్రహ్మ మణిశర్మ సంగీతం అందిస్తున్నారు. ఇక ఈ మూవీ లో హీరోయిన్ గా మొన్నటి వరకు పలువురు హీరోయిన్ల పేర్లు ప్రచారం జరుగగా..న్యూ ఇయర్ సందర్భాంగా సమంత ను ఖరారు చేస్తూ అధికారిక ప్రకటన చేసారు. అలాగే టైటిల్‌ మోషన్ పోస్టర్‌ను విడుదల చేసింది.
