పవర్ స్టార్ పవన్ కళ్యాణ్ ప్రస్తుతం వరుస పెట్టి సినిమాలకు సైన్ చేస్తున్నాడు. ఇవన్నీ ఎప్పుడు పూర్తి అవుతాయో తెలియదు కానీ అభిమానుల్లో మాత్రం ఈ ప్రకటనలు తెగ సంబరానికి గురి చేస్తున్నాయి. అయితే పవన్ కళ్యాణ్ సినిమాలో సాయి పల్లవి నటించబోతుందనే వార్త ఇప్పుడు మీడియా లో తెగ చక్కర్లు కొడుతుంది. అది కూడా ఒక సినిమాలో కాదు రెండు సినిమాల్లో పవన్ తో సాయి పల్లవి కనిపించబోతుందట.
పవన్ మరియు క్రిష్ జాగర్ల మూడి కాంబోలో వస్తున్న పీరియాడిక్ చిత్రంలో టాలెంటెడ్ హీరోయిన్ సాయి పల్లవి కూడా ఒక హీరోయిన్ గా నటిస్తుంది అని టాక్ వచ్చింది. అయితే గత కొన్నాళ్ల కితమే ఇదే సాయి పల్లవి పవన్ చేసే మరో సాలిడ్ ప్రాజెక్ట్ “అయ్యప్పణం కోషియం” రీమేక్ లో కూడా ఉంటుంది అని గాసిప్స్ వినిపించాయి. దీనితో ఈ స్టార్ హీరోయిన్ పవన్ తో రెండు సార్లు స్క్రీన్ పంచుకోనుందా అన్న హాట్ టాపిక్ నడుస్తుంది. మరి ఇందులో ఎంత నిజం ఉందనేది తెలియాల్సి ఉంది.