RRR గురించి రైటర్ సాయి ఏమన్నాడంటే ..

రాజమౌళి డైరెక్షన్లో తెరకెక్కుతున్న ఆర్ఆర్ఆర్ సినిమాకు సంబందించిన విషయాలు తెలుసుకోవాలని ప్రతి సినీ ప్రేక్షకులు ఆసక్తి చూపిస్తుంటారు. సినిమా గురించి ఏ చిన్న విషయం వచ్చినాసరే అభిమానులు పెద్ద పండగ చేసుకుంటారు. తాజాగా ఈ చిత్రానికి డైలాగ్స్ అందిస్తున్న సాయి మాధవ్ బుర్ర ఆర్ఆర్ఆర్‌లో ఎన్టీఆర్, రామ్ చ‌ర‌ణ్ పాత్ర‌ల నిడివి గురించి చెప్పి ఆసక్తి నింపారు.

చిత్రంలో చ‌ర‌ణ్‌, ఎన్టీఆర్ పాత్ర‌ల‌ని రాజ‌మౌళి ఎలా బ్యాలెన్స్ చేశారో, నేను కూడా ఒక‌రు ఎక్కువ‌, ఒక‌రు త‌క్కువ అని కాకుండా ఇద్ద‌రికి సరిసమానంగా డైలాగ్స్ రాశానని బుర్రా అన్నారు. ఇద్ద‌రి పాత్ర‌ల నిడివి కూడా స‌మానంగా ఉంటుంద‌ని, అభిమానులు ఇలాంటి విష‌యాల‌లో ఎలాంటి అనుమానాలు పెట్టుకోవ‌ద్ద‌ని పేర్కొన్నారు. ప్రేక్ష‌కుల అంచ‌నాల‌కి మించి ఈ సినిమా ఉంటుంది. ఈ సినిమా ప్రేక్ష‌కుల‌ని నెక్ట్స్ లెవ‌ల్‌కి తీసుకెళ్ల‌డం ప‌క్కా అంటూ సాయి మాధ‌వ్ ఓ ఇంట‌ర్వ్యూలో చెప్పుకొచ్చారు.