చిత్రం, నువ్వు`నేను, జయం, దిల్‌, సంతోషం’ లాంటి బ్లాక్‌బస్టర్‌ మూవీస్‌కి మ్యూజిక్‌ అందించిన ఆర్.పి.పట్నాయక్‌ దర్శకుడిగా మారి ‘బ్రోకర్‌’ లాంటి సందేశాత్మక చిత్రాన్ని తెరకెక్కించి, ఉత్తమ కథా రచయితగా నంది అవార్డు పొందిన విషయం తెలిసిందే. ఆ తర్వాత సినిమా ఛాన్స్ లు రాకపోయేసరికి వార్తల్లో లేకుండా పోయాడు. తాజాగా శ్రేయాస్ మీడియా వారు నిర్మించే సినిమాలో ఛాన్స్ దక్కినట్లు తెలుస్తుంది.
ఇటీవలే శ్రేయాస్ ఎంటెర్టైన్మెంట్ అనే ఏటీటీ స్టార్ట్ చేసి సినిమాలను రిలీజ్ చేస్తున్న శ్రేయాస్ గ్రూప్ వారు మళ్ళీ నిర్మాతలుగా మారి సినిమాలు తీయాలని డిసైడ్ అయ్యారట. పైగా ఈ సినిమాకి ఈ టీమ్ మొత్తం కలిసి డైరెక్షన్ కూడా చేయబోతోందట. ఇప్పటికే దర్శకుడిగా నిరూపించుకున్న ఆర్ పి కూడా ఈ సినిమాకి ఒక డైరెక్టర్ కానున్నాడని అంటున్నారు.