సంచలన దర్శకుడు రామ్ గోపాల్ వర్మ ఫై ఓ రేంజ్ లో సినిమాలు తెరకెక్కిస్తున్నారు. అందులో బొమ్మాకు క్రియేషన్స్ వారు నిర్మిస్తున్న సినిమా ఒకటి. ఇది మూడు భాగాలుగా రాబోతుండడం విశేషం. మొదటి పార్ట్ కు సంబదించిన ఫస్ట్ లుక్ రేపు సాయంత్రం 5 గంటలకు రిలీజ్ చేయబోతున్నారట.
మూడు భాగాల్లో ఒక్కొక్క చిత్రం యొక్క నిడివి 2 గంటలు ఉండేలా ప్లాన్ చేస్తున్నారు. బొమ్మాకు మురళి నిర్మాణం లో ఆర్జీవీ ఆధ్వర్యం లో దొరసాయి తేజ దర్శకత్వంలో సెప్టెంబర్ లో ఈ సినిమా చిత్రీకరణ ప్రారంభం కానుంది. అయితే మొదటి భాగం లో 20 ఏళ్ల ఆర్జీవీ పాత్రలో ఒక యువ నటుడు నటించబోతున్నాడు, రాము టైటిల్ తో రామ్ గోపాల్ వర్మ ఆరంభం అంటూ ఉండనుంది. ఈ భాగం లో విజయవాడ లో కాలేజ్ రోజులు, ఆయన ప్రేమలు, ఆర్జీవీ పాల్గొన్న గ్యాంగ్ ఫైట్స్, శివ సినిమా కోసం ఏం చేశాడు, రిలేషన్ షిప్స్ ను ఎలా వాడుకున్నాడు అనే అంశాలు చూపించనున్నారు.