గత కొంతకాలంగా మాస్ రాజా రవితేజ హిట్ లేక సతమతమవుతున్నాడు. ప్రస్తుతం గోపీచంద్ మలినేని డైరెక్షన్లో క్రాక్ మూవీ చేస్తున్నాడు. గతంలో వీరిద్దరి కలయికలో వచ్చిన బలుపు , పవర్ చిత్రాలు భారీ విజయాలు సాధించడం తో క్రాక్ సైతం అదే రీతిలో విజయం సాదిస్తుందని అభిమానులు , చిత్ర యూనిట్ ధీమా వ్యక్తం చేస్తున్నారు. ఈ చిత్రం రిలీజ్ కు సిద్ధంగా ఉండగానే రమేష్ వర్మ డైరెక్షన్లో ఓ మూవీ కి గ్రీన్ సిగ్నల్ ఇచ్చాడు.
ఈ సినిమా తమిళ్ శతురంగ వెట్టై 2 చిత్రానికి రీమేక్ గా తెరకెక్కబోతుందట. తమిళంలో అరవింద స్వామి, త్రిష లు నటించగా , తెలుగు రీమేక్ లో రవితేజ , ఇలియానా నటించబోతున్నట్లు తెలుస్తుంది. దీనికి సంబంధించి అధికారిక ప్రకటన రావాల్సి ఉంది.ఈ చిత్రాన్ని కోనేరు సత్యనారాయణ నిర్మించనున్నారు.