ఏంచేయాలో మీరే చెప్పండి అంటున్న రష్మిక

వ‌రుస సినిమాల‌తో ద‌క్షిణాది భాష‌ల‌న్నింటిలో టాప్ హీరోయిన్‌గా అతి తక్కువ టైం లో క్రేజ్ తెచ్చుకున్న భామ రష్మిక. క‌న్న‌డంలో చ‌క్క‌టి ప్ర‌తిభ క‌న‌బ‌రిచి టాప్ హీరోయిన్‌గా మారిన ఈ బ్యూటీ.. తెలుగులోనూ ఛ‌లో, గీత గోవిందం, సరిలేరు నీకెవ్వరూ , భీష్మ సినిమాల‌తో త‌న‌కంటూ మంచి పేరు సంపాదించుకుంది. ప్రస్తుతం ఈ భామ అల్లు అర్జున్ సరసన ఓ మూవీ లో నటిస్తుంది. ప్రస్తుతం లాక్ డౌన్ కారణంగా ఇంటికే పరిమితమైన ఈ బ్యూటీ అభిమానులకు ఓ ప్రశ్న వేసింది.

భవిష్యత్తులో ఎలాంటి చిత్రాలు మరియు పాత్రలు చేయాలని ఫ్యాన్స్ అనుకుంటున్నారో ఆమెకు చెప్పాలట. ఫ్యాన్స్ అభిప్రాయాల ఆధారంగా ఆమె తన పాత్రలు ఎంచుకుంటుంది అట. ఈమె అడగమే ఆలస్యం వెంటనే అభిమానులు వేలల్లో మెసేజ్ లు పంపారట.