తెలుగు , తమిళ్ చిత్రాలతో బిజీ బిజీ గా గడుపుతున్న రష్మిక..తాజాగా అర్జున్‌ మేనల్లుడు ధృవ సర్జా హీరోగా నటిస్తున్న ‘పొగరు’ చిత్రంలో నటిస్తుంది. నందకిశోర్‌ దర్శకత్వంలో బి.కె. గంగాధర్‌ ఈ చిత్రాన్ని నిర్మిస్తున్నారు. ప్రస్తుతం కరోనా నేపథ్యంలో షూటింగ్ కు బ్రేక్ పడింది.
గురువారం ఈ సినిమాలోని మొద‌టి పాట ‘క‌రాబు’ను యూట్యూబ్‌లో విడుదల చేశారు. ఈ పాట విడుద‌ల‌తో తెలుగు వెర్ష‌న్ ప్ర‌మోష‌న్స్‌ను ప్రారంభించారు. పాపుల‌ర్ క‌న్న‌డ మ్యూజిక్ డైరెక్ట‌ర్ చంద‌న్ శెట్టి స‌మ‌కూర్చిన మాస్ బీట్‌కు భీభత్సమైన స్పందన వస్తోంది. విడుదలైన కొన్ని గంటలలోనే ఈ సాంగ్ 3 మిలియన్ ప్లస్ వ్యూస్‌ని రాబట్టుకోవడం విశేషం. దీంతో చిత్రయూనిట్ ఆనందం వ్యక్తం చేస్తూ.. 3 మిలియన్ వ్యూస్ పోస్టర్‌ను విడుదల చేశారు.
