జబర్దస్త్ షో తో ఎంతో పాపులర్ అయినా రష్మీ..ప్రస్తుతం బుల్లితెర ఫై యాంకర్ గా రాణిస్తూనే మరోపక్క వెండితెర ఫై హీరోయిన్ అవకాశాల్లో నటిస్తూ వస్తుంది. కానీ అమ్మడికి మాత్రం హిట్ అనేది పడడంలేదు. రీసెంట్ గా శివరంజని చిత్రంతో ప్రేక్షకుల ముందుకు వచ్చిన కానీ ఈ సినిమా వచ్చిన సంగతి కూడా చాలామందికి తెలియకుండా పోయింది. ఇదిలా ఉంటె సోషల్ మీడియా లో యాక్టివ్ ఉండే ఈ భామకు తాపేశ్వరం కాజాను బహుమానంగా ఇచ్చి ఆశ్చర్యపరిచారు.
తూర్పు గోదావరి జిల్లాలోని మండపేటలో ఓ షోరూమ్‌ ప్రారంభానికి రష్మిని ఆహ్వానించారు. ఆ షో రూమ్ నిర్వాహకులు రష్మికి ఊహించని ట్విస్ట్ ఇచ్చారు. తాపేశ్వరం ఖాజాని రష్మికి బహుమతిగా ఇచ్చారు. ఈ స్వీట్‌ ఎంత స్పెషలో అందరికీ తెలిసిందే. దీన్ని తిందామని నోరు తెరిస్తే రష్మి వల్ల కావట్లేదు. ఎందుకంటే అది రష్మి ముఖం కంటే పెద్దగా ఉంది. ఇంత పెద్ద తాపేశ్వరం ఖాజాని ఇచ్చినందుకు షోరూం యజమానులకు థ్యాంక్స్‌ చెబుతూ ఈ వీడియోను తన యూట్యూబ్‌ ఖాతాలో అప్‌లోడ్‌ చేసింది. ‘ఈ ఖాజా చూడ్డానికి చాలా బాగుంది. కాకపోతే నా ముఖం కంటే పెద్దగా ఉంది. దీన్ని ఎంతమంది తింటే అయిపోతుందో’.. అని క్యూట్‌ క్యూట్‌గా చెప్పిన మాటలు అందరినీ తెగ నవ్విస్తున్నాయి.