ఇటీవల కాలంలో తెలుగు సినిమా కథలకు ఫుల్ డిమాండ్ పెరిగింది. మనదగ్గర హిట్టైన చిత్రాలను రీమేక్ చేసేందుకు అగ్ర హీరోలు , దర్శకులు , నిర్మాతలు పోటీ పడుతున్నారు. ముఖ్యముగా బాలీవుడ్ వారు మన దగ్గర ఏ ఏ చిత్రాలు విడుదల అవుతున్నాయి..ఎంత పెద్ద హిట్ అవుతున్నాయని డేగ కన్ను తో చూస్తున్నారు.
సల్మాన్ ఖాన్- అమీర్ ఖాన్- అక్షయ్ కుమార్- షాహిద్ కపూర్- అజయ్ దేవగన్ .. ఒకరేమిటి.. టాప్ హీరోలంతా మన స్క్రిప్టులపై మనసు పడుతున్నారు. తాజాగా వీరి లిస్ట్ లో రణవీర్ చేరాడు. ఎన్టీఆర్ నటించిన బ్లాక్ బస్టర్ మూవీ `టెంపర్` ని సింబా పేరు తో రీమేక్ చేసి అక్కడ బ్లాక్ బస్టర్ కొట్టాడు. ఇప్పుడు బన్ని నటించిన ఇండస్ట్రీ రికార్డ్ హిట్ `అల వైకుంఠపురములో` రీమేక్ లో నటించేందుకు గ్రీన్ సిగ్నల్ ఇచ్చాడట. ఇక తెలుగులో బ్లాక్ బస్టర్ చిత్రాల్లో నటించాల్సిందిగా దీపిక సైతం పట్టుబడుతుండడంతో రణవీర్ కాదనలేకపోతున్నాడట.