రోహిత్ రాయ్ ఫై సూపర్ స్టార్ రజనీకాంత్ అభిమానులు తీవ్ర స్థాయి లో మండిపడుతున్నారు. ఎందుకా అనుకుంటున్నారా..ప్రస్తుతం దేశ వ్యాప్తంగా కరోనా వైరస్ బుసలు కొడుతున్న సంగతి తెలిసిందే. ఈ నేపథ్యంలో రోహిత్ రాయ్..సోషల్ మీడియా వేదికగా” సూపర్ స్టార్ రజినీకాంత్ కు కరోనా పాజిటివ్ అని వచ్చింది కానీ కరోనా క్వారంటైన్ కు వెళ్ళింది” అంటూ పోస్ట్ చేసాడు.ఆ వార్త విన్న అభిమానులు ముందు కంగారు పడ్డారు. కానీ ఆ తర్వాత అది ఫేక్ న్యూస్ అని తెలిసి కామెడీ గా రోహిత్ అన్నారని తెలిసి కాస్త కూల్ అయ్యి..ఆ తర్వాత ఆయనపై మండిపడ్డారు.
‘జోక్ పరమ చెత్తగా ఉంది’, ‘కరోనా కామెడీ కాదు, ‘ఇటువంటి తప్పుడు వార్తలు ఒక నటుడైఉండి ఎలా ప్రచారం చేస్తారు’, ‘ఇలాంటి జోక్ భారతీయ సంస్కృతి కాదు’, అంటూ దుమ్మెత్తిపోశారు. ఈ ట్రోలింగ్‌పై స్పందించిన రోహిత్ ‘మీరు ఎందుకంత ఆవేశపడుతున్నారు.? మిమ్మల్ని నవ్వించాలనుకున్నాను. కానీ ఇలా అవుతుందనుకోలేదు, క్షమించండి’ అంటూ ట్వీట్ చేసారు.