టీమ్ ఇండియా క్రికెట్ మాజీ కెప్టెన్ ధోని శ‌నివారం తన రిటైర్‌మెంట్‌ను ప్ర‌క‌టించిన సంగ‌తి తెలిసిందే. సడెన్ గా ధోని తన రిటైర్‌మెంట్‌ను ప్రకటించడం తో క్రికెట్ అభిమానులే కాక మిగతావారు సైతం షాక్ కు గురైయ్యారు. ఇండియ‌న్ క్రికెట్‌కు ధోని చేసిన సేవ‌ల‌ను గుర్తుకు తెచ్చుకుంటూ ఆయ‌న భ‌విష్య‌త్ బావుండాల‌ని సోష‌ల్ మీడియా ద్వారా అభిమానులు ఆశిస్తున్నారు.
తాజాగా రాజ‌మౌళి ధోని రిటైర్మెంట్‌పై స్పందిస్తూ.. మీరు మ‌మ్మ‌ల్ని ఎంత‌గానో ఎంట‌ర్‌టైన్ చేశారు. గ‌ర్వ‌ప‌డేలా చేశారు. అంత‌కు మించి ఇన్‌స్పైర్ చేశారు. మీ రిటైర్మెంట్ మాకు కాస్త క‌ష్టంగానే ఉంది. భ‌విష్య‌త్ త‌రాల‌కు మీరు త‌ప్ప‌క మార్గ‌ద‌ర్శ‌కంగా నిలుస్తారు అని తన ట్వీట్‌లో తెలిపారు. అలాగే మ‌హేశ్ ట్విట్ట‌ర్ ద్వారా తన స్పంద‌న‌ను తెలియ‌జేశారు. ‘‘2011లో ఇండియాను క్రికెట్ విశ్వ‌విజేత నిలిపిన ఆ ఐకానిక్ సిక్స‌ర్‌ను నేను ఎలా మ‌ర‌చిపోగ‌ల‌ను!! నేను ఆ స‌మ‌యంలో వాంఖేడియం స్టేడియంలోనే నిలుచున్నాను. గ‌ర్వంగా ఉంది. క‌న్నీళ్లు వ‌స్తున్నాయి. క్రికెట్ ఎప్పుడూ ఒకేలా ఉండ‌దు. టేక్ ఎ బౌ ఎం.ఎస్‌.ధోని’’ అని తెలిపారు.