యంగ్ హీరో రాజా కథానాయకుడుగా భూమిజ సినిమా పతాకంపై మద్దినేని రమేష్ నిర్మాణ సారధ్యంలో ఎ.వి.వి.నాయుడు దర్శకత్వంలో డి.రమేష్ బాబు నిర్మిస్తున్న విభిన్న కథా చిత్రం ‘పార్కింగ్’. ఇప్పటివరకు 50 శాతం పూర్తి చేసుకున్న ఈ చిత్రం ఆడియో నవంబర్ నెలాఖరుకు రిలీజ్ చేసి, డిసెంబర్ లో సినిమాని విడుదల చేయడానికి ప్లాన్ చేస్తున్నారు. థ్రిల్లర్ గా రూపొందుతున్న ఈ చిత్రంలో రాజా సరసన షోల్ ఛాబ్రా హీరోయిన్ గా నటిస్తున్నారు. ప్రతి నాయకుడుగా అజయ్ ఓ విభిన్నమైన పాత్రను పోషిస్తున్నారు. కాగా, నవంబర్9న హీరో రాజా పుట్టినరోజు, తన పుట్టినరోజుని ‘పార్కింగ్’ షూటింగ్ లొకేషన్ లో జరుపుకున్నారు. యూనిట్ సభ్యుల సమక్షంలో కేక్ కట్ చేశారు. ఈ సందర్భంగా యూనిట్ సభ్యులు హీరో రాజాకు పుట్టినరోజు శుభాకాంక్షలు తెలియజేశారు. ఈ కార్యక్రమంలో హీరోయిన్ షోల్ ఛాబ్రా, త్రిపురనేని చిట్టి, నిర్మాత డి. రమేష్ బాబు, నిర్మాత సారధి మద్దినేని రమేష్, కెమెరామెన్ శ్రీకర్ బాబు తదితరులు పాల్గొన్నారు.
