అల వైకుంఠపురం లో చిత్రం తో బ్లాక్ బస్టర్ హిట్ అందుకున్న స్టైలిష్ స్టార్ అల్లు అర్జున్. ప్రస్తుతం సుకుమార్ డైరెక్షన్లో పుష్ప మూవీ చేస్తున్నాడు. మైత్రి మూవీ మేకర్స్ నిర్మాణంలో రష్మిక హీరోయిన్ గా ఈ మూవీ తెరకెక్కుతుంది. దేవి శ్రీ మ్యూజిక్ అందిస్తున్నారు. ప్రస్తుతం షూటింగ్ లకు అనుమతులు రావడం తో త్వరలోనే సినిమాను సెట్స్ పైకి తీసుకెళ్లాలని ప్లాన్ చేస్తున్నారు.
అందులో భాగంగా మొదటి షెడ్యూల్ ను మహబూబ్ నగర్ ప్రాంతంలోని అటవి ప్రాంతంలో షూట్ చేయాలని ప్లాన్ చేస్తున్నారట. ఈ చిత్రంలో ఇప్పుడు ఒక యాక్షన్ సీక్వెన్స్ కోసం మాత్రమే 6 కోట్లు ఖర్చు పెట్టనున్నారట. ఇది హీరో మరియు విలన్ ల మధ్యలో సాగేది అన్నట్టు బజ్ వినిపిస్తుంది. అయితే ఈ చిత్రంలో మొదట తమిళ్ స్టార్ హీరో మక్కల్ సెల్వన్ విజయ్ సేతుపతిని అనుకోగా తాను తర్వాత తప్పుకున్నాడు. దీనితో ఎవరు మరి ఈ భారీ యాక్షన్ సీక్వెన్స్ లో నటించనున్నారు అన్నది చూడాలి.