బుల్లితెర ఫై సందడి చేస్తూ వస్తున్న యాంకర్ ప్రదీప్..ఇప్పుడు వెండితెర ఫై సందడి చేయబోతున్నాడు. 30 రోజుల్లో ప్రేమించడం ఎలా అనే టైటిల్ తో త్వరలో ప్రేక్షకుల ముందుకు రాబోతున్నాడు. వాస్తవానికి ఈ మూవీ ఇప్పటికే రిలీజ్ కావాల్సి ఉండగా లాక్ డౌన్ కారణంగా బ్రేక్ పడింది.
ఇక ఈ చిత్రంలోని నీలి నీలి ఆకాశం సాంగ్ సూపర్ సక్సెస్ అయిన సంగతి తెలిసిందే. ఈ సాంగ్ యూట్యూబ్ రికార్డ్స్ వేట కొనసాగుతూనే ఉంది. తాజాగా యూట్యూబ్ 200 మిలియన్ వ్యూస్ దక్కించుకుంది. సౌతిండియాలో ఒక హీరో నటించిన ఓ పాట రిలీజ్ కాకముందు ఈ రికార్డు క్రియేట్ చేసింది. ఈ పాట లిరికల్ వీడియోతో పాటు ఫుల్ వీడియో సాంగ్ రెండు కలిపి 200 మిలియన్ వ్యూస్ దక్కించుకుంది. ఒక అప్ కమింగ్ హీరో నటించిన పాటకు ఈ రేంజ్‌లో రెస్పాన్స్ రావడం నిజంగా గ్రేట్. చంద్రబోస్ రాసిన ఈ పాటను సిద్ శ్రీరామ్, సునీత ఆలపించారు.