టాలీవుడ్ ఇండస్ట్రీ లో పవన్ కళ్యాణ్ . మహేష్ బాబు లకు ఓ రేంజ్ లో అభిమానులు ఉంటారనే సంగతి తెలిసిందే. వీరిద్దరి సినిమాలు వస్తున్నాయంటే ఆ సందడి మాములుగా ఉండదు. నెల రోజుల ముందు నుండే కోలాహలం నడుస్తుంది. అలాగే సోషల్ మీడియా లోను వీరికి భారీ ఫ్యాన్ ఫాలోయింగ్ ఉంటుంది. అందుకే వీరి నుండి ఏ అప్డేట్ వచ్చిన..ఏ సినిమా పోస్టర్ వచ్చిన ఒకే రేంజ్ లో వ్యూస్ , రికార్డ్స్ వస్తాయి.
వీరిద్దరూ నటిస్తున్న తాజా చిత్రాలు “వకీల్ సాబ్” మరియు “సర్కారు వారి పాట” సినిమాలు సోషల్ మీడియాలో ఒకేలాంటి రికార్డులను అందుకున్నాయి. సినీ పరిశ్రమ వారు అత్యధికంగా వినియోగించే సోషల్ మీడియా యాప్ ట్విట్టర్ లో తార స్థాయి సెలబ్రేషన్స్ అభిమానులు చేస్తుంటారు.
అలా సర్కారు వారి పాట ప్రీ లుక్ పోస్టర్ కు భారీ రెస్పాన్స్ తో ఫాస్టెస్ట్ 50 వేలు రీట్వీట్లు సంపాదించిన పోస్టర్ గా రికార్డు నమోదు చెయ్యగా దీనితో పాటు పవన్ నటిస్తున్న వకీల్ సాబ్ ఫస్ట్ లుక్ పోస్టర్ కూడా మొట్ట మొదటిగా 50 వేలు రీట్వీట్స్ దాటిన పోస్టర్ గా రికార్డు క్రియేట్ చేసింది. దీనితో ఈ రెండు రికార్డులు కొట్టిన ఫస్ట్ ఎవర్ హీరోలుగా ఈ ఇద్దరు నిలిచారు.
