మహానటి ఫేమ్ కీర్తి సురేష్ ప్రస్తుతం ప్రముఖ తమిళ దర్శకుడు కార్తీక్ సుబ్బరాజ్ నిర్మాతగా తెరకెక్కుతున్న పెంగ్విన్ చిత్రంలో నటిస్తున్న సంగతి తెలిసిందే. ఈశ్వర్ కార్తీక్ డైరెక్ట్ చేసిన ఈ మూవీ తెలుగు, తమిళ భాష‌ల్లో ప్రముఖ ఓటీటీ ఛానెల్‌లో అమెజాన్ లో జూన్ 19 న ప్రసారం కాబోతుంది. ఈ నేపథ్యంలో ఈ సినిమాకు సంబంధించి ట్రైలర్‌ను జూన్ 08 న విడుదల చేయబోతున్నారు.
అమెజాన్ ప్రైమ్ వీడియో వారు ఈ సినిమాని డైరెక్ట్ టు రిలీజ్ స్లాట్‌లో త‌మ స‌బ్ స్క్రైబర్స్‌కు అందిస్తున్నారు. మహానటి త‌రువాత కీర్తి సురేశ్ న‌టించిన ప్ర‌తిష్టాత్మ‌క చిత్రం కావ‌డంతో పెంగ్విన్‌పై అంతటా ఆస‌క్తి నెల‌కొంది.
స్టోన్ బెంచ్ ఫిల్మ్స్, ప్యాష‌న్ స్టూడియోస్ ప‌తాకం పై దర్శకుడు, నిర్మాత కార్తీక్ సుబ్బ‌రాజు ఈ సినిమాను నిర్మించారు. ఈశ్వర్ కార్తీక్ ఈ సినిమాకి ద‌ర్శ‌కత్వం వహించారు.