పవన్ కళ్యాణ్ వేణు శ్రీ రామ్ డైరెక్షన్లో వకీల్ సాబ్ చిత్రం తో పాటు , క్రిష్ డైరెక్షన్లో విరూపాక్ష మూవీ చేస్తున్న సంగతి తెలిసిందే. వకీల్ సాబ్ చిత్ర షూటింగ్ చివరి దశకు చేరుకోగా , విరూపాక్ష మూవీ మాత్రం మొదటి షెడ్యూల్ పూర్తి చేసుకుంది. ఏప్రిల్ నెలలో రెండో షెడ్యూల్ రామోజీ ఫిలిం సిటీ లో మొదలవ్వాల్సి ఉండగా, కరోనా వచ్చి షూటింగ్ కు బ్రేక్ పడేలా చేసింది.
ప్రస్తుతం కరోనా వైరస్ ఎక్కువగా ఉన్న తరుణంలో పవన్ కీలక నిర్ణయం తీసుకున్నాడు. ఈ ఏడాది చివరి వరకూ తన పార్ట్ కు సంబంధించి ఎలాంటి షూట్ ను ప్లాన్ చెయ్యొద్దు అని పవన్ కళ్యాణ్ చిత్రబృందానికి చెప్పినట్లు వార్తలు ప్రచారం అయ్యాయి. ఇదిలా ఉంటె పవన్ తదుపరి చిత్రం ఫై ఇప్పటి నుండే వార్తలు ప్రచారం అవ్వడం అందరి ఆశ్చర్య పరుస్తున్నాయి.
స్టార్ రీఎంట్రీ ఇచ్చాక సరిగ్గా మూడు చిత్రాల అనంతరం చెయ్యబోయే సినిమాకు చాలా మంది దర్శకుల పేర్లే వినిపించినా మొత్తం ముగ్గురు టాప్ దర్శకుల పేర్లు వినిపిస్తుండడం గమనార్హం. మొదటగా పవర్ స్టార్ క్రేజీ కాంబో మాటల మాంత్రికుడు త్రివిక్రమ్ పేరు వినిపించగా ఆ తర్వాత మరో ఇంటెలిజెంట్ దర్శకుడు సుకుమార్ పేరు వినిపించింది. ఇక అదీ అయ్యాక లేటెస్ట్ ఇప్పుడు మరో టాప్ దర్శకుడు సురేందర్ రెడ్డి పేరు గట్టిగా వినిపించడం మొదలయ్యింది. దీనితో పవన్ ఈ సినిమా ఏమో కానీ ఈ రూమర్స్ మాత్రం గట్టిగా వినిపిస్తున్నాయి. మరి పవన్ ఎవరితో సినిమా ఓకే చేస్తారో చూడాలి.
