మహేష్ – పరుశురాం కలయికలో సర్కారీ వారి పాట చిత్రం తెరకెక్కుతున్న సంగతి తెలిసిందే. ఈరోజు మహేష్ బాబు పుట్టిన రోజు సందర్భాంగా సర్కారీ వారి పాట చిత్రం తాలూకా మోషన్ పోస్టర్ రిలీజ్ చేసి ఆకట్టుకున్నారు. ప్రస్తుతం కరోనా వైరస్ ఎక్కువగా ఉన్న నేపథ్యంలో షూటింగ్ ను ఇంకా మొదలు పెట్టలేదు. వైరస్ తీవ్రత తగ్గగానే సెట్స్ పైకి సర్కారీ వారిని తీసుకొచ్చేందుకు ప్లాన్ చేస్తున్నారు. అయితే ఈ లాక్ డౌన్ సమయాన్ని పరుశురాం గట్టిగా వాడుకుంటున్నాడు.
ఈ సినిమాపై అభిమానుల్లో , సినీ లవర్ లలో అంచనాలు తారాస్థాయి ఉండడం తో వారి అంచనాలకు తగ్గట్టుగా స్క్రిప్ట్ ను పక్కాగా ప్లాన్ చేస్తున్నారట. అందుకు ఈ లాక్ డౌన్ సమయాన్ని బాగా వినియోగించుకుంటున్నట్టు తెలుస్తుంది. షూటింగ్ మొదలయ్యాక ప్రతీ షెడ్యూల్ ను ఎలా చెయ్యాలో అన్నది ప్లాన్ చేస్తున్నారట. ఇప్పటికే భారీ ప్లానింగ్స్ చేసిన ఈ చిత్రంతో ఎలాగైనా మరో బ్లాక్ బస్టర్ ఇవ్వాలని పరశురామ్ గట్టిగా ఫిక్స్ అయినట్టున్నాడు.