అల వైకుంఠపురం లో చిత్రంతో నాన్ బాహుబలి రికార్డు కొట్టిన త్రివిక్రమ్ ..ప్రస్తుతం నాల్గు సినిమాలను లైన్ లో పెట్టాడు. వాటిల్లో ముందుగా యంగ్ టైగర్ ఎన్టీఆర్ తో సినిమా చేయనున్నాడు. ఎన్టీఆర్ 30 వ చిత్రంగా తెరకెక్కనున్న ఈ చిత్రాన్ని హారిక & హాసిని క్రియేషన్స్ తో పాటు ఎన్టీఆర్ ఆర్ట్స్ సంయుక్తంగా నిర్మిస్తున్నారు. ప్రస్తుతం ప్రీ పోస్ట్ ప్రొడక్షన్ పనులు జరుపుకుంటున్న ఈ మూవీ లాక్ డౌన్ పూర్తి కాగానే సెట్స్ పైకి వెళ్లనుంది.
ఈ నేపథ్యంలో ఈ సినిమా తాలూకా విశేషాలు ఒక్కోటిగా బయటకు వస్తున్నాయి. పాన్ ఇండియా లెవెల్‌లో ఈ సినిమా కథను తయారు చేస్తున్నాడట త్రివిక్రమ్. ఈ చిత్రంలో ఎన్టీఆర్ డ్యూయెల్ రోల్ లో కనిపించబోతున్నాడట. అయితే సినిమా మొత్తం తారక్ డబుల్ రోల్ లో కనిపిస్తాడా లేక ప్లాష్ బ్యాక్ లో సెకెండ్ రోల్ వస్తోందా అనేది తెలియాల్సి ఉంది. ఇంతకముందు ‘అదుర్స్’ ‘ఆంధ్రావాలా’ సినిమాల్లో రెండు పాత్రలలో అలరించిన ఎన్టీఆర్ ‘జైలవకుశ’ సినిమాలో మూడు పాత్రల్లో కనిపించి అభిమానులను ఆకట్టుకున్నాడు.