అల వైకుంఠపురం లో చిత్రంతో నాన్ బాహుబలి రికార్డు కొట్టిన త్రివిక్రమ్ ..ప్రస్తుతం నాల్గు సినిమాలను లైన్ లో పెట్టాడు. వాటిల్లో ముందుగా యంగ్ టైగర్ ఎన్టీఆర్ తో సినిమా చేయనున్నాడు. ఎన్టీఆర్ 30 వ చిత్రంగా తెరకెక్కనున్న ఈ చిత్రాన్ని హారిక & హాసిని క్రియేషన్స్ తో పాటు ఎన్టీఆర్ ఆర్ట్స్ సంయుక్తంగా నిర్మిస్తున్నారు. ప్రస్తుతం ప్రీ పోస్ట్ ప్రొడక్షన్ పనులు జరుపుకుంటున్న ఈ మూవీ లాక్ డౌన్ పూర్తి కాగానే సెట్స్ పైకి వెళ్లనుంది.
ఈ నేపథ్యంలో ఈ సినిమా తాలూకా విశేషాలు ఒక్కోటిగా బయటకు వస్తున్నాయి. ఈచిత్రంలో ఎన్టీఆర్ రాజకీయ నాయకుడి పాత్రలో అది కూడా ముఖ్యమంత్రిగా నటిస్తున్నట్టు సమాచారం. ఈ సినిమాను వచ్చే దసరా రోజున పూజా కార్యక్రమాలతో లాంచంనగా ప్రారంభించి.. నవంబర్ నుంచి రెగ్యులర్ షూటింగ్ చేయాలనే ఆలోచనలో ఉన్నాడట త్రివిక్రమ్. పైగా రాజమౌళి లాంటి దర్శకుడితో చేసిన తర్వాత ఆ హీరో మళ్లీ వెంటనే హిట్ కొట్టడం అనేది చరిత్రలో లేదు. అందుకే దాన్ని మార్చి చరిత్ర తిరగ రాయాలని చూస్తున్నాడట.