మీరు లేని లోటు తీర‌నిది – ఎన్టీఆర్

నంద‌మూరి తార‌క‌రామారావు 97వ జ‌యంతి ఈరోజు. ఈ సంద‌ర్భంగా ఆయన అభిమానులు , చిత్ర సీమా ప్రముఖులు , తెలుగుదేశం పార్టీ నేతలు , కార్య కర్తలు జయంతి వేడుకలను జరుపుకుంటున్నారు. ఈ సందర్భాంగా ఎన్టీఆర్ మనవడు ఆయన యంగ్ టైగర్ జూనియర్ ఎన్టీఆర్ సోషల్ మీడియా వేదికగా నివాళులు అర్పించారు. ‘మీరు లేని లోటు తీరనది’ అంటూ ట్వీట్ చేసాడు.

తాత ఎన్టీఆర్‌ ఫోటోని ట్విట్ట‌ర్ లో పోస్ట్ చేస్తూ .. ‘ మీ పాదం మోపక తెలుగు ధరిత్రి చిన్నబోతోంది, మీ రూపు కానక తెలుగు గుండె తల్లడిల్లిపోతోంది, పెద్ద మనసుతో ఈ ధరిత్రిని, ఈ గుండెను మరొక్కసారి తాకిపో తాతా’ అంటూ ఎమోష‌న‌ల్ ట్వీట్ చేశాడు జూనియ‌ర్. ఇక క‌ళ్యాణ్ రామ్ కూడా త‌న ట్విట్ట‌ర్‌లో మా ఖ్యాతి మీరే, మా కీర్తి మీరే.. ఓ విశ్వవిఖ్యాత, అందుకో మా జ్యోత అంటూ శ్రద్ధాంజ‌లి ఘ‌టించారు.