అఖిల్, పూజా హెగ్డే కాంబినేషన్‌లో వస్తున్న సినిమా ‘మోస్ట్‌ ఎలిజబుల్‌ బ్యాచిలర్‌. ఈ సినిమా కొత్త పోస్టర్‌ను ట్వీట్‌ చేస్తూ సినిమా విడుదల తేదీని కూడా చెప్పారు, అఖిల్ చేతిలో కాఫీ కప్పుతో ల్యాప్‌టాప్‌లో బిజీగా ఉండగా… వెనుక పూజ హెగ్డే వయ్యారంగా అఖిల్‌ను కవ్విస్తూ, డిస్ట్రబ్ చేస్తున్నట్లుగా పోస్టర్‌ను రూపొందించారు.
సంక్రాంతికి ఈ సినిమాను ప్రేక్షకుల ముందుకు తీసుకొస్తామంటూ పోస్టర్‌ మీద ‘పొంగల్‌ 2021’ అని రాశారు. బొమ్మరిల్లు భాస్కర్‌ దర్శకత్వంలో రూపొందుతున్న ఈ సినిమాను జీఏ2 పిక్చర్స్‌ నిర్మిస్తోంది. గోపీ సుందర్‌ సంగీతం అందిస్తున్న ఈ సినిమాకు బన్ని వాసు నిర్మాత.