సౌత్ లేడీ సూపర్ స్టార్ నయనతార నాన్ వెజ్ తినడం మానేసింది..ప్రియుడి కోసం మానేసిందని అనుకోకండి..ఓ సినిమా కోసం తినడం మానేసింది. దర్శకుడు ఆర్ జె బాలాజీ మూకుతి అమ్మన్ అనే టైటిల్ తో డివోషనల్ మూవీ తెరకెక్కిస్తున్నాడు. ఈ చిత్రంలో నయనతార అమ్మవారిగా మరియు భక్తురాలిగా కనిపించబోతుంది. తాజాగా నయన్ అమ్మవారి గెటప్ లో పిక్ రిలీజ్ చేసి ఆకట్టుకున్నారు చిత్ర యూనిట్.
భక్తి రస చిత్రం కావడంతో ఈ మూవీ చిత్రీకరణ సమయంలో చాలా నిష్టగా ఉంటుందట. ఈ షూటింగ్ జరిగినంత కాలం నయన తో పాటు చిత్ర యూనిట్ లో ఎవరు కూడా నాన్ వేజ్ ముట్టుకోలేదని చెపుతున్నారు. గత నెలలోనే ఈ చిత్రం విడుదల కావాల్సివుండగా లాక్ డౌన్ కారణంగా విడుదల వాయిదా పడింది. థియేటర్స్ ప్రారంభం అయిన వెంటనే మూకుతి అమ్మన్ మూవీ విడుదల ప్రేక్షకుల ముందుకు రానుంది.
