నేచురల్ స్టార్ నాని, సుధీర్ బాబు ప్రధాన పాత్రల్లో తెరకెక్కిన చిత్రం వి. ఇంద్రగంటి మోహన్‌కృష్ణ డైరెక్షన్లో క్రైమ్ థ్రిల్లర్ గా తెరకెక్కిన ఈ మూవీ ఈరోజు అర్ధరాత్రి నుండే స్ట్రీమింగ్ మొదలు కాబోతుంది. ఇప్పటి వరకు ఏ పెద్ద తెలుగు సినిమా కూడా ఓటీటీలో డైరెక్ట్ రిలీజ్ కాకపోవడం..నాని సినిమాతోనే ఓ పెద్ద సినిమా రిలీజ్ అవుతుండడం తో ఈ సినిమాను ఎప్పుడెప్పుడు చూద్దామా అని అభిమానులు , సినీ ప్రముఖులు , ప్రేక్షకులు ఆసక్తి కనపరుస్తున్నారు.
అమెజాన్ ప్రైమ్ కు తెలుగు రాష్ట్రాల్లో తక్కువలో తక్కువ కనీసం పది లక్షల మంది సబ్ స్ర్కైబర్స్ అయినా ఉంటారు అనేది విశ్లేషకుల మాట. ఒక్కో సబ్ స్క్రైబర్ తన యూజర్ నేం మరియు ఫాస్ వర్డ్ ను ఇద్దరు ముగ్గరితో షేర్ చేసుకుని ఉంటారు. కనుక సినిమాను చూడబోతున్న వారి సంఖ్య భారీగానే ఉంటుందనిపిస్తుంది. అయితే ఈ రోజు రాత్రి చూసేవారి సంఖ్యతో 13 నుండి 15 మిలియన్ ల మినిట్స్ వ్యూస్ వచ్చే అవకాశం ఉందంటున్నారు. ఇది ఇప్పటి వరకు విడుదలైన ఇండియన్ టాప్ మూవీస్ జాబితాలో చేరే అవకాశం ఉందంటున్నారు.
