ప్రపంచ క్రికెట్ చరిత్రలో ముత్తయ్య మురళీధరన్ గురించి చెప్పాల్సిన పనిలేదు. తన స్పిన్ మాయాజాలంతో మహా మహా బ్యాట్స్ మెన్ ను సైతం బోల్తా కొట్టించి .. పెవిలియన్ కి పంపిన ఘనత అతనిది. బౌలర్ గా ఎన్ని రికార్డ్స్ సాధించాడు. అలాంటి గొప్ప క్రికెటర్ జీవిత కథను సినిమా రూపంలో తెరకెక్కించబోతున్నారు.
ఈ చిత్రానికి ‘800’ అనే టైటిల్ని నిర్ణయించినట్టు సమాచారం. మురళీధరన్ అంతర్జాతీయ క్రికెట్లో 800 వికెట్లు తీసిన వైనానికి సంకేతంగా దీనికి ఆ టైటిల్ నిర్ణయించినట్టు తెలుస్తోంది. దార్ మోషన్ పిక్చర్స్ తో కలసి సురేశ్ ప్రొడక్షన్స్ నిర్మించే ఈ చిత్రానికి ఎమ్మెస్ శ్రీపతి దర్శకత్వం వహించబోతున్నాడు. అయితే ఈ సినిమాలో మురళీధరన్ పాత్రలో తమిళ నటుడు, కథానాయకుడు విజయ్ సేతుపతి నటించబోతున్నాడు. అంతర్జాతీయ క్రికెట్ కు రాకముందు మురళీధరన్ జీవితానికి సంబంధించిన సంఘటనలు ఇందులో ఎక్కువగా ఉంటాయని తెలుస్తోంది.