నందమూరి అభిమానులంతా బాలకృష్ణ కుమారుడు మోక్షజ్ఞ సినీ ఎంట్రీ కోసం వెయ్యి కళ్లతో ఎదురుచూస్తున్నారు. ఎప్పుడో ఈయన ఎంట్రీ ఉంటుందని వార్తలు వినిపించిన ఇప్పటివరకు ఆ ఎంట్రీ కాకపోయేసరికి అభిమానులు నిరాశలో ఉన్నారు. ఈ మధ్య బయటకొచ్చిన పిక్ లలో మోక్షజ్ఞ ఏమాత్రం ఆకట్టుకునేలా లేడు. చాల లావుగా..పొట్ట తో కనిపించి విమర్శల పాలయ్యాడు.
తాజాగా మోక్షజ్ఞ కు సంబందించిన ఓ వార్త హల్చల్ చేస్తుంది. మోక్షజ్ఞ ను వెండితెరకు పరిచయం చేసే బాధ్యత బాలయ్య స్టార్ రైటర్ బుర్రా సాయిమాధవ్ కు ఇచ్చినట్లు మాట్లాడుకుంటున్నారు. దర్శకుడు క్రిష్ ఆస్థాన రచయితగా పాపులరైన సాయి మాధవ్ ఇటీవల పలు బ్లాక్ బస్టర్ చిత్రాలకు మాటలు అందించారు. మెగాస్టార్ నటించిన పాన్ ఇండియా మూవీ `సైరా: నరసింహారెడ్డి` రైటింగ్ టీమ్ లో ఆయన కీలక పాత్ర పోషించారు. ప్రస్తుతం రాజమౌళితో ఆర్.ఆర్.ఆర్ లాంటి భారీ చిత్రానికి రచయితగా కొనసాగుతున్నారు. దీంతో పాటే పలు క్రేజీ చిత్రాలకు పని చేస్తుండడం తో బాలయ్య ఈ నిర్ణయం తీసుకున్నాడని అంటున్నారు.
