ఒకప్పుడు తమ అభిమాన హీరో పుట్టిన రోజు అంటే ఆ రోజంతా పాలాభిషేకాలు చేయడం , కేక్స్ కట్ చేయడం, సేవ కార్య క్రమాలు చేయడం వంటివి చేసి తమ అభిమానాన్ని చాటుకునే వారు . కానీ ఇప్పుడు సోషల్ మీడియా పుణ్యమాని సరికొత్త వాటికీ నాంది పలుకుతున్నారు.
కామన్ డీపీ, ట్విటర్‌లో హ్యాష్‌ట్యాగ్ ట్రెండింగ్ వంటి వాటిపై దృష్టి సారిస్తున్నారు. ఈ నెల 22న మెగాస్టార్ చిరంజీవి జన్మదినోత్సవం. ఈ సందర్భంగా మెగాభిమానులు చిరంజీవికి పాటతో ట్రిబ్యూట్ ఇవ్వాలని ప్లాన్ చేశారు. ‘మెగాస్టార్స్ మెగా ర్యాప్’ పేరిట దీన్ని రూపొందిస్తున్నారు. ఆగస్టు 21న ఈ పాటను విడుదల చేస్తున్నారు. ఈ పాట గ్లింప్స్‌ను ఆదివారం లాంచ్ చేశారు. ఈ గ్లింప్స్ చూస్తుంటే పాట అదిరిపోవడం ఖాయమని అర్థమవుతోంది. విజువల్స్, బీట్ చాలా బాగున్నాయి. ఇది మెగాస్టార్‌కు పర్ఫెక్ట్ బర్త్‌డే గిఫ్ట్ అనిపిస్తోంది. ఈ పాటను నిఖిల్ కాన్సెప్ట్స్ సంస్థ రూపొందించింది. ఫ్రీక్ మాసన్ సంగీతం సమకూర్చారు. స్కార్పియన్ ఆలపించారు. శివ చారి నిర్మించారు.
