కరోనా వైరస్ కారణంగా సినిమా థియేటర్స్ అన్ని మూతపడడం తో నిర్మాతలు భారీ నష్టాలూ చవిచూస్తున్నారు. ఇదే క్రమంలో ఓటిటి డిమాండ్ పెరగడం తో చాలామంది నిర్మాతలు తమ సినిమాలను ఓటిటి లో రిలీజ్ చేయాలనీ చూస్తున్నారు. ఇప్పటికే పలు సినిమాలు ఆలా రిలీజ్ అవ్వగా..తాజాగా సూర్య లేటెస్ట్ మూవీ ‘ఆకాశం నీ హద్దురా’ అమెజాన్ ప్రైమ్‌లో అక్టోబ‌ర్ 30న విడుద‌ల అవుతుంది. ఇప్పుడు సూర్య బాటలోనే విజయ్ కూడా పయనమవుతున్నాడు.
విజయ్ నటించిన మాస్టర్ చిత్రాన్ని ఓటిటి లో రిలీజ్ చేయాలనీ చూస్తున్నారట. విజయ్ గత సినిమా ‘బిగిల్’ తెలుగులో ‘విజిల్’గా వచ్చి ఇక్కడ మంచి కలెక్షన్స్ ను రాబట్టి, విజయ్ కు మాస్ ప్రేక్షకులలో మంచి అభిమానులను సంపాదించి పెట్టింది. తెలుగులో విజయ్ పాత్రకు హీరో సత్యదేవ్ డబ్బింగ్ చెబుతున్నారు. దర్శకుడు లోకేష్ కనకరాజ్ తెరకెక్కిస్తున్న ఈ చిత్రంలో విజయ్ కాలేజ్ ప్రొఫెసర్ గా మాఫియా డాన్ గా భిన్న గెటప్స్ లో కనిపించనున్నారు.