డైరెక్టర్ పూరి ..ప్రస్తుతం విజయ్ దేవరకొండ తో ఫైటర్ సినిమా చేస్తున్నాడు. ఇప్పటికే రెండు షెడ్యూల్ పూర్తి కాగా లాక్ డౌన్ కారణంగా షూటింగ్ బ్రేక్ ఇచ్చారు. ప్రస్తుతం కరోనా విలయతాండవం కొనసాగుతుండటంతో ఈ మూవీ షూటింగ్ ఎప్పుడు మొదలు పెట్టాలో అర్ధం కాక చిత్ర యూనిట్ ఉంది.
ప్రస్తుతం ఈ చిత్రం కోసం మణిశర్మ మ్యూజిక్ ను స్టార్ట్ చేశారు. తదుపరి షెడ్యూల్ లోసాంగ్స్ షూట్ చేయాలని పూరి ప్లాన్ చేస్తున్నాడు. ఆ సాంగ్స్ కోసమే మణిశర్మ ఇప్పుడు ట్యూన్స్ కంపోజ్ చేసే పనిలో ఉన్నాడు.
కాగా క్రేజీ స్టార్ విజయ్ దేవరకొండ హీరోగా వస్తోన్న ఈ చిత్రాన్ని అన్ని దక్షిణ భాషలతో పాటు హిందీలో కూడా ఒకేసారి తెరకెక్కిస్తున్నారు. ఫైటర్ కథలో పాన్ ఇండియా అప్పీల్ ఉందని భావించిన కరణ్ జోహార్ కూడా పూరి, ఛార్మిలతో కలిసి ఈ సినిమా నిర్మణంలో భాగస్వామి అయ్యాడు.
