తెలుగు లో ప్రేమమ్ చిత్రంతో తెలుగు ప్రేక్షకులను అలరించిన మడోనా సెబాస్టియన్..తాజాగా ఓ భారీ ఆఫర్ కొట్టేసినట్లు తెలుస్తుంది.’ ప్రేమమ్’ సినిమా తర్వాత తెలుగులో మరో సినిమా అంగీకరించలేదు కానీ తమిళ్ లో మాత్రం వరుస చిత్రాలు చేసి అలరించింది.
తాజాగా ఈమెకు విజయ్ సరసన నటించే అవకాశం దక్కించుకుందట. తమిళ ఇళయదళపతి విజయ్ ప్రస్తుతం లోకేష్ కనగరాజన్ దర్శకత్వంలో ‘మాస్టర్’ అనే సినిమా కంప్లీట్ చేసాడు. ఇప్పటికే విడుదల కావలసిన ఈ సినిమా కరోనా పరిస్థితుల కారణంగా వాయిదా పడింది. ‘మాస్టర్’ సినిమా తర్వాత విజయ్ నెక్స్ట్ సినిమా క్రియేటివ్ డైరెక్టర్ మురగదాస్ తో చేయనున్నాడు. విజయ్ కెరీర్లో 65వ చిత్రంగా రానున్న ఈ సినిమాలో హీరోయిన్ ఎవరో అనే దాని మీద ఆసక్తి నెలకొని ఉంది. అయితే తాజా సమాచారం ప్రకారం ఈ సినిమాలో ఇద్దరు హీరోయిన్స్ కి స్కోప్ ఉండగా ఒక హీరోయిన్ గా మడోనా సెబాస్టియన్ ని చిత్ర యూనిట్ ఫైనలైజ్ చేశారట.