తెలంగాణ ఐటీశాఖ మంత్రి కేటీఆర్ పుట్టిన రోజు సందర్భంగా పలువురు ప్రముఖులు ట్విటర్‌ ద్వారా శుభాకాంక్షలు తెలిపారు. కేటీఆర్ పరిపూర్ణమైన ఆరోగ్యంతో సంతోషంగా ఉండాలని కోరుకుంటున్నట్లు మంత్రి హరీశ్‌రావు ట్విటర్‌లో పేర్కొన్నారు. హరీశ్‌రావు ట్వీట్‌కు స్పందిస్తూ ధన్యవాదాలు బావ అంటూ కేటీఆర్ రీ ట్వీట్‌ చేశారు.
“హ్యాపీ బర్త్ డే డియర్ తారక్. ప్రజలకు సేవ చేసేందుకు మరింత శక్తితో ముందుకు సాగాలి” అని మెగాస్టార్ చిరంజీవి శుభాకాంక్షలు తెలిపారు. కేటీఆర్ కు పలువురు పార్టీ ఎమ్మెల్యేలు, నేతలు సోషల్ మీడియా ద్వారా విషెస్ తెలుపుతున్నారు.
