గత కొంతకాలంగా మాస్ రాజా రవితేజ హిట్ లేక సతమతమవుతున్నాడు. ప్రస్తుతం గోపీచంద్ మలినేని డైరెక్షన్లో క్రాక్ మూవీ చేస్తున్నాడు. గతంలో వీరిద్దరి కలయికలో వచ్చిన బలుపు , పవర్ చిత్రాలు భారీ విజయాలు సాధించడం తో క్రాక్ సైతం అదే రీతిలో విజయం సాదిస్తుందని అభిమానులు , చిత్ర యూనిట్ ధీమా వ్యక్తం చేస్తున్నారు.
అయితే ప్రస్తుతం కరోనా కారణంగా థియేటర్స్ మూతపడడం తో చాల చిత్రాలు ఓటిటిలో రిలీజ్ అవుతున్నాయి. దీంతో ఈ చిత్రం కూడా ఓటిటి లో రిలీజ్ కాబోతుందనే ప్రచారం ఊపందుకుంది. దీంతో ఇది నిజమే కావొచ్చని ఫిక్స్ అవుతున్నారు. కానీ వాటన్నిటినీ బ్రేక్ చేస్తూ దర్శకుడు గోపీచంద్ మలినేని ఈ చిత్రం ఓన్లీ థియేటర్స్ లోనే వస్తుంది అని ట్వీట్ చేసి క్లారిటీ ఇచ్చారు.
బలుపు , డాన్ శ్రీను చిత్రాల ఫేమ్ గోపీచంద్ మలినేని ఈ చిత్రానికి డైరెక్ట్ చేస్తుండగా శృతి హాసన్ హీరోయిన్ గా నటిస్తుంది. రవితేజ ఈ సినిమాలో పవర్‌ఫుల్‌ పోలీస్‌ పాత్రలో కనిపించనున్నారు. ఆంధ్రప్రదేశ్ లో జరిగిన యదార్ధ సంఘటనల ఆధారంగా ఈ చిత్రాన్ని తెరకెక్కిస్తున్నాడు గోపీచంద్. ఇప్ప‌టికే విడుదలైన ఫస్ట్‌లుక్‌ పోస్టర్‌, టీజర్‌కు చక్కటి స్పందన ల‌భించింది. సముద్రఖని, వరలక్ష్మిశరత్‌కుమార్‌, దేవీప్రసాద్‌, పూజిత పొన్నాడ ప్రధాన పాత్రల్లో నటిస్తున్న ఈ చిత్రానికి సంగీతం థ‌మ‌న్ అందిస్తున్నారు.
#krack in Theaters only ?? pic.twitter.com/19wjlPGQ4S— Gopichandh Malineni (@megopichand) August 14, 2020