సూపర్ స్టార్ మహేష్ బాబు ఈ ఏడాది సంక్రాంతి బరిలో సరిలేరు నీకెవ్వరూ అనే సినిమాతో వచ్చి బ్లాక్ బస్టర్ హిట్ అందుకున్నాడు. ఈ సినిమా రిలీజ్ కాగానే తన 27 వ చిత్రాన్ని వంశీ పైడిపల్లి డైరెక్షన్లో చేయాలనీ అనుకున్నప్పటికీ కథ అంత గా నచ్చక పోవడం తో హోల్డ్ లో పెట్టి గీత గోవిందం ఫేమ్ పరుశురాం చెప్పిన కథ కు గ్రీన్ సిగ్నల్ ఇచ్చాడు.
ఈరోజు కృష్ణ పుట్టిన రోజు సందర్భంగా చిత్ర యూనిట్ అధికారిక ప్రకటన చేసారు. సర్కారు వారి పాట అనే టైటిల్ ను ఫిక్స్ చేస్తూ కాస్ట్ & క్రూ ను ప్రకటించారు. అయితే అందులో హీరోయిన్ పేరు ప్రకటించలేదు. కాకపోతే బయట ప్రచారం మాత్రం కియారా ను చిత్ర యూనిట్ అనుకుంటున్నారట కానీ ..ఐతే ఈ ప్రాజెక్ట్ పై ఇంట్రెస్ట్ గా కియారా ఉన్నప్పటికీ డేట్స్ ఆడ్జస్ట్ చేయగలనా లేదా అనే ఆలోచనలో ఉన్నారట.
లాక్ డౌన్ కారణంగా షూటింగ్స్ నిలిచి పోవడం వలన ఇప్పటికే ఒప్పుకున్న చిత్రాల షూటింగ్స్ లో ముందుగా పాల్గొనాల్సిన పరిస్థితి నెలకొంది. మొదట అనుకున్న షెడ్యూల్ పూర్తిగా తారుమారైన నేపథ్యంలో మహేష్ మూవీకి కమిట్ అవ్వాలా లేదా అనే సందిగ్ధంలో ఆమె ఉందట.