తన తొలి రెండు చిత్రాలతో బ్లాక్ బస్టర్ విజయాలను అందించిన యంగ్ అండ్ ట్యాలెంటడ్ దర్శకుడు తరుణ్ భాస్కర్ దాస్యం తన మూడో చిత్రంగా యూనిక్ క్రైమ్ కామెడీ మూవీ ‘కీడా కోలా’ తో వస్తున్నారు. హీరో రానా దగ్గుబాటి సమర్పిస్తున్న ఈ చిత్రం ట్రైలర్ ఇటివలే విడుదలై సినిమాపై అంచనాలని పెంచింది.
ఇప్పుడు మేకర్స్ కీడా కోలా మ్యూజికల్ ప్రమోషన్స్ ని ప్రారంభించారు. వివేక్ సాగర్ సంగీతం సమకూరుస్తున్న ఈ చిత్రం నుంచి డిపిరి డిపిరి పాటని విడుదల చేశారు. ఈ పాటని యూనిక్ స్టయిల్ లో కంపోజ్ చేశారు వివేక్.
వోకల్స్, లిరిక్స్, ఇన్స్ట్రుమెంట్స్, సాంగ్ ప్రోగ్రామింగ్ అన్నీ న్యూ ఏజ్ సౌండింగ్ తో చాలా క్యాచిగా వున్నాయి. భరద్వాజ్ గాలి లిరిక్స్ అందించిన ఈ పాటని హనుమాన్ సిహెచ్ పాడిన విధానం చాలా ఎనర్జిటిక్ వుంది. పాటలో వినిపించిన అరబిక్ ర్యాప్ కూడా అలరించింది.
విజి సైన్మా బ్యానర్ పై ప్రొడక్షన్ నంబర్ 1 గా రూపొందుతున్న ఈ చిత్రాన్ని కె. వివేక్ సుధాంషు, సాయికృష్ణ గద్వాల్, శ్రీనివాస్ కౌశిక్, శ్రీపాద్ నిర్మిస్తున్నారు. కాగా కీడా కోలా నవంబర్ 3న ప్రపంచవ్యాప్తంగా విడుదల కానుంది.