మహాసముద్రం లో RX 100 హీరో ..?

RX 100 తో బ్లాక్ బస్టర్ హిట్ కొట్టిన అజయ్ భూపతి…మొదటి సినిమాతోనే ఎంత క్రేజ్ తెచ్చుకోవాలో అంత తెచ్చుకున్నాడు. కేవలం ఆయన మాత్రమే కాదు..ఈ సినిమాలో నటించిన హీరో కార్తికేయ..హీరోయిన్ పాయల్ కు సైతం ఎంతో క్రేజీ వచ్చింది. అజయ్…మహాసముద్రం టైటిల్ తో ఓ కథ సిద్ధం చేసి ఎప్పటి నుండి ఈ మూవీ ని సెట్స్ పైకి తీసుకెళ్లాలని చూస్తున్నాడు. ఇప్పటికి పలువురు హీరోలను ఈ మూవీ లో అనుకున్నప్పటికీ ఎవరు వర్క్ అవుట్ కావడం లేదు.

తాజాగా సినీ వర్గాల సమాచారం ప్రకారం ఈ సినిమాలో సెకెండ్ హీరో పాత్రలో యంగ్ హీరో కార్తికేయ నటిస్తారని ఫిల్మ్ సర్కిల్స్ లో వినిపిస్తోంది. మరి ఈ వార్తలో ఎంతవరకు నిజం ఉందో తెలియాలంటే అజ‌య్ భూప‌తి స్పందించాల్సిందే. ఈ సినిమాలో శ‌ర్వానంద్ కి జ‌త‌గా క్రేజీ హీరోయిన్ సాయిప‌ల్ల‌వి నటించబోతుందట. అజ‌య్ ఇప్పటికే సాయిపల్లవికి కథ కూడా వివరించార‌ట. సాయి పల్లవి కూడా సినిమా చేయడానికి గ్రీన్ సిగ్న‌ల్ ఇచ్చినట్లు సమాచారం.